VOV4.M’nông: Tâm xã nkuăl jru nkuăl Krông Nô, nkuăl Lăk, n’gor Dak Lak, rmôt kan ăp ntŭk kan bah n’gor Dak Lak mhe ƀư bôk nau kan Rgŏ jă ƀon lan, nkoch mbơh mpeh săch ntơh măt Quốc hội gưl XV ndrel rmôt kan HĐND ăp gưl năm kan 2021-2026. Ta aơ, rmôt kan hŏ pă n’ha săm ƀŭt, nkoch mbơh tât ăp ƀon lan mpeh nau khlay, nau ueh bah rơh săch kan. Ƀư nau kan hăn kơl an- yor n’hâm soan ƀon lan.

Druh ndăm tâm rgop nkoch mbơh nau săch kan.

Khám săm ji ndrel pă dak si mô roh prăk ân ƀon lan tâm nkuăl jêr jŏt, kreh sŏk, nkăp nheh ân kon se ach o, pă n’ha săm ƀŭt nkoch mbơh ân ƀon lan mpeh nau njrăng rdâng ji rtoh trong mham, viêm gan B. Ntĭm mbơh, ntrơn jao nau kan tuch tăm ndrel mât chăm tơm cà phê, tăm tơm dâu ân 150 rñăk tâm nkuăl. Pă 10 nklâm ndơ ndeh vah jâng ân kon se hăn nti, đah rnoh rlau 15 rkeh ân 10 kon se rnoi mpôl đê̆ nti blau./.

Nŭih rblang: H’Thi