VOV4.M'nông: Thủ tướng Đức hŏ bơi lĕ năm kan wa Angela Merkel lah rjăp, dak Đức hôm mât nău ton ntop kơl Libi lĕ ma rnôk Đức geh n'gâng kan mhe. Lah tâm rơh hop báo nsum đah nuĭh mât bôk kan Hội đồng Tổng thống Libi- wa Mohamed al-Menfi ta Berlin, wa Merkel an lah tâm ăp pơh bah kơi tay, lĕ ma rnôk dak Đức dôl tâm rơh ndơ̆ rgâl chính phủ mhe, ri nkô̆ nău Libi mbra hôm an ƀư lor đŏng. Dak Đức way nsing nơm an lah du trong nkra tâm boh dak bah dih an ăp nkô̆ nău Libi kêng dŭt mbra nsĭt tay nău đăp mpăn mô dơn an neh dak, nuĭh ƀon lan Libi ma hôm an lĕ ma Châu Phi. Mpeh bah nơm, nuĭh mât bôk Hội đồng Tổng thống Libi, wa Menfi hŏ mpơl nău lah uĕh dak Đức ta nâm nău rđău kan bah wa Merkel hŏ rgop uĕh an nău đăp mpăn bah neh dak Libi, lơn lah ma trong an dŏng trong tât Berlin. 

Nuĭh rblang: Điểu Thân