VOV4.M'nông: Duh jêr ta gôl dak Triều Tiên rnôk tâm nar 1/10, Triều Tiên mbơh, rlong pănh tay du ntil grăp ŭnh mhe. Aơ lah rơh rlong ndrak nsiu tâl 4 bah Triều Tiên tâm 1 khay aơ. Dŭt mhe, nar 28/9 mhe aơ. Triều Tiên pănh grăp ŭnh mô tăng nteh dơi mĭn lah geh bôk ndrak hạt nhân đŏng. Ăp rơh rlong grăp ŭnh mbro bah Triều Tiên hŏ ƀư ăp dak lam ntŭr neh mô bah klach rvê. Tâm du nău ơh dŭt mhe ndơ̆ luh ôi 1/10, Bộ Ngoại giao Hàn Quốc an gĭt, dak dja ton tâm boh lhăt đah Mỹ tâm ăp trong nkra gay ndơ̆ Triều Tiên plơ̆ tay nsưng tâm nchră. Ngoại trưởng Mỹ kuăl jă ăp dak bah dih mĭn uănh ăp rơh pănh grăp ŭnh bah Triều Tiên du trong lhăt jăp, nkre mĭn lah ăp rơh pănh dja ƀư jêng klach rvê roh đăp mpăn n'hanh rnă njrăng têh lơn./.

Nuĭh rblang: Điểu Thân