VOV4.M'nông: Ủy ban châu Âu (EC) mbra rgum 100 rkeh euro kơl ƀư "Prăk nkrem bên di" tĭng Nghị định thư Kyoto. Nău n'glêh an dja mhe dơi Kruanh EC mât uănh tâm ton nđĭr mbơh ta Tâm nchră tâl 26 ăp ding râng tâm ton rpaih bah Liên hợp quốc mpeh rgâl duh nđik trôk nar (COP26) ƀư ta dak Anh. Tĭng nê, rnoh rgop mhe dja mbra sŏk bah ngân sách EU. EC nkre kuăl jă dâk kan, lĕ mpeh nkô̆ nău bên di đah rgâl duh nđik trôk nar n'hanh tâm boh rnôk lam ntŭr neh hôm dŭt ƀah ngai rđĭl đah rnoh mât rnoh hao duh 1,5 độ C. Dơi njêng ta Tâm nchră COP7 ta Marrakech năm 2001 n'hanh lăp kan năm 2007 bah tâm nchră COP13 ta Bali, “Prăk nkrem bên di" gay ntop kơl an ăp trong nchrăp kan n'hanh bôk nău kan bên di n'hanh rdâng lơh đah rgâl duh nđik trôk nar ta ăp dak dôl hun hao. Tâm trôm bôk nău kan COP26, Prăk nkrem hŏ rgum geh rnoh prăk dŭt âk 232,6 rkeh đôlar tâm ăp rnoh tâm ton mhe./.

Nuĭh rblang: Điểu Thân