VOV4.M’nông: Nŭih ƀon lan Liên minh Châu Âu ŭch hăn pâl n’aih tât dak êng tâm yan mih năm tât mra nchâp ân geh chuh ntop tay (hôm geh ntơ lah chuh tal 3 njrăng Covid-19). Aơ lah nkô̆ geh đă dơi geh Uỷ ban Chây Âu mbơh lơ 25/11. Tĭng nau mbơh bah Uỷ ban Châu Âu, âk ngăn nŭih ƀon lan Châu Âu ƀư chuh 2 nglai vắc xin tâm ăp khay bôk năm ndrel 3 khay dŭt năm 2021. Yơn lah, rnoh nau dăng châl bah khân păng mra mô hôm tâm nklang năm ba kơi. Rnôk aơ, âk dak tâm Liên minh Châu Âu mra ntơm chuh ntop tay, yơn dôl dŏng dak si êng êng gay ma dăp nau kơl an ndrel nar geh chuh êng êng đah ăp nglai bôk năp ndrel nglai chuh ntop. Ndri ma, Uỷ ban Châu Âu ŭch tâm ban nau ntrŭnh chuh njrăng tâm lam Châu Âu gay nkra kơl an ƀon lan bah rmôt aơ mra dơi ntrơn hăn dah rŏng, nkre rgop nau njrăng rdâng nau ntưp rêng bah srê ji./.

Nŭih rblang: H’Thi