VOV4.M'nông: Ngoại trưởng ăp dak Liên minh châu Âu hŏ rgum hop ta Bruxelles (Bỉ), ntôn Belarus dâk bah kơi rơh duh jêr nuĭh ntrơn du ta n'har bri đah dak dja đah ăp dak lăp kan nsum bah EU lah Ba Lan, Litva n'hanh Latvia; nkre tâm ban ŭch nchâp đă rmal tâl 5 đah Belarus. Lah lôch rơh hop, Cao ủy mât uănh rnă njrăng n'hanh tâm boh dak bah dih EU Josep Borrell an lah Belarus dâk bah kơi nsŭk nsôr n'hanh ƀư rdeng nuĭh ntrơn du ma ndeh păr bah Trung Đông n'hanh ăp dak châu Phi tât dak dja n'hanh lôch nê khân păng hăn tât n'har bri Ba Lan, Litva n'hanh Latvia. Tĭng ăp tơm nău lư, Hãng hàng không neh dak Belavia bah Belarus lah ntŭk rmal dâk bôk năp bah EU rnôk dơi uănh lah nuĭh tơm rdeng nuĭh ntrơn du./.

Nuĭh rblang: Điểu Thân