VOV4.M’nông – Ăp dak Liên minh châu Âu tâm rkeh mpeh nău dơi an uănh ŭnh nar hạt nhân lah prăk ntuh kơl dăch dêh đah ntŭk ntô đŏng lah mô. Ntoh ngơi bah năp ăp nuĭh nchih nău rnôk tât râng Rƀŭn nchră gưl prêh ta Brúc-xen, Thủ tướng Áo Karl Nehammer an gĭt, dak aơ n’hanh Luých-xăm-bua dun tay nău ntăm mrô pŭt an ŭnh nar hạt nhân. Tâm rnoh ăp dak dun tay ŭnh nar hạt nhân hôm e geh Đức. Đức dôl an ntĭl mpông mbrơi mbrơi ăp lò phản ứng hạt nhân bah nơm. Tâm rnôk nĕ, Pháp, Ba Lan an gĭt dŭt kơl nău pă prăk kaih an ăp prăk ntuh kơl an ŭnh nar hạt nhân. Pháp aƀaơ dôl knơm tâm 70% ŭnh nar hạt nhân an lah, nău jăng ndơ djơh ƀư ŭnh nar hạt nhân jêng lơ khlay tâm rnôk rgâl an ŭnh nar kloh uĕh.

Nŭih blang: Y Sưng Phê Ja