VOV4. M’nông: Tâm quý I năm 2021, mpôl hăn treng nđôi hăn ntung trong n'gor Gia Lai hŏ ban saơ, rmal âk mpôl, ăp nuĭh tih ăp quy định mpeh hăn ntung trong, nchuăn rdeng, đah lĕ rngôch rnoh prăk rlău 300 rkeh prăk. Na nê̆, tâm pah kan hăn rsong uănh, nkra rmal mpeh đăp mpăn hăn ntung trong, mpôl hăn treng nđôi bah Sở Giao thông Vận tải Gia Lai hŏ ƀư ôp uănh 160 bôk ndeh, rmal prăk 22 mpôl kan, 40 nuĭh đah lĕ rngôch rnoh prăk 209 rkeh prăk, sŏk mplơ̆ si ƀŭt ƀĭt ndeh geh nar ton đah 9 nuĭh, sŏk mplơ̆ 13 phù hiệu nchuăn rdeng, đă njŭr hŭch 38,6 tấn ndơ rdeng.

Ăp nău tih way geh âk lah rdeng ndơ lăn lhăt  bêng ir rlău nău way an, rdeng ndơ sâl dâl bah năp, mô geh phù hiệu tĭng di quy định, lăp tâm trong mpăng … Đah ăp trong kan rdeng năch, geh 20/46 bôk ndeh geh  ôp uănh nău tih, đah lĕ rngôch rnoh prăk rmal bơi 100 rkeh prăk. Lơn lah, tâm rnôk Tết Nguyên đán Tân Sửu, mpôl hăn rsong uănh hŏ dơn n'hanh nkra 121 nău lư bah năch mbơh mô ŭch mplơ̆, rgâl tay vé rnôk mô lăr hăn rnôk geh tât khuch bah Covid-19 ta n'gor./.

Nuĭh rblang: Điểu Thân