VOV4. M’nông: Lôch 24 nar rlău aơ, ăp đơn vị, mpôl kan bah Công an n'gor Gia Lai hŏ ƀư lôch jêh ăp tŏng si ƀŭt pă an thẻ Căn cước công dân ntrŭp chĭp điện tử an rlău 120 rbăn nuĭh. Ndrel đah nê, mpôl Công an hŏ geh âk nău nsrôih tâm pah kan nkoch trêng, n'hao săk blău rhŏ dŏng nuĭh ƀon lan.

Tât lĕ nar 24/3, đah nău dŏng 29 máy tă bah Bộ Công an pă an, 18 đơn vị bôk tơm bah Công an n'gor Gia Lai hŏ ƀư lôch jêh si ƀŭt ƀư thẻ Căn cước công dân ntrŭp chĭp điện tử an 120 rbăn nuĭh. Nar dŭt âk, rĭng ăp đơn vị ƀư dơi 338 thẻ Căn cước công dân/nar/máy, rlău rnoh ŭch dơi ƀư 38 thẻ Căn cước công dân/máy/nar. Tâm nê, Công an ăp nkuâl Chư Păh, Chư Sê, Kbang, Krông Pa, Phú Thiện, Ia Pa, Mang Yang…lah ăp đơn vị geh rnoh dơi ƀư thẻ dŭt âk./.

Nuĭh rblang: Điểu Thân