VOV4.Mnông – Nar 31/3, Ngih dak si nkuăl Ia Grai, n’gor Gia Lai ƀư nkhah êng dak si đah 1 hê bu klô ndăm nchoăt du nkual nkhah rgum ta n’gor Lạng Sơn plơ̆ sĭt ƀon lan. Tĭng nău mbơh bah Ntŭk uănh nđôi kop ji n’gor Gia Lai, nar 14/3, bu klô ndăm moh lah Nguyễn Công Giá (deh năm 2000, gŭ ta thôn Văn Yên, xă Ia Yok, nkuăl Ia Grai) dơi nkhah êng ta Ntŭk Quân đoàn Chi Lăng, n’gor Lạng Sơn. Ta aơ, nuĭh ƀon lan dơi sŏk uănh năl mham du tŏ n’hanh an saơ mô nưp. Tât măng 23/3, bôl mô hŏ lĕ nar nkhah êng tĭng nău ntrŭnh, yơn nô Giá nchoăt du luh ntŭk nkhah êng, jêh nĕ wơt ndeh hăn bah Lạng Sơn sĭt jay ndeh Mỹ Đình (Hà Nội), gŭ Hà Nội 2 nar jêh nhŭp ndeh sĭt Gia Lai. Ngih dak si nkuăl Ia Grai lĕ ƀư nkhah êng nô Giá, nkre mbơh ntŭk uănh nđôi kop ji n’gor Gia Lai gay sŏk uănh năl mham.

Nuĭh răk rblang: Y Sưng Phê Ja