VOV4. M’nông: N'gor Gia Lai hŏ n'hao dăng an ƀư ăp nkô̆ nkoch trêng mpeh rơh bầu cử đại biểu Quốc hội khoá XV n'hanh đại biểu HĐND ăp gưl năm kan 2021 - 2026 đah nkual ƀon lan rnoi mpôl đê̆ ma trong ƀư ngăn ngăn, tâm di đah văn hoá tĭng rnoi nuĭh. Tĭng nê,  n'gor Gia Lai hŏ jao an nhih pah kan chuyên môn rgum nchih ăp nkô̆ tâm di, ngăn ngăn, dơh djăt, dơh wât nkre rblang luh bar ntil nău ngơi: Yuăn n'hanh Jrai gay nuĭh ƀon lan dơh wât, dơh tât. Nkô̆ nkoch trêng rgum tâm nău ŭch, nkô̆ khlay, nău khlay bah rơh bầu cử; ăp nău lư pháp luật geh tât Hiến pháp 2013, Luật Bầu cử đại biểu Quốc hội n'hanh bầu cử đại biểu HĐND; ăp si ƀŭt ntĭm nti mpeh rơh bầu cử bah Ngih dak, bah Ủy ban Thường vụ Quốc hội n'hanh Hội đồng Bầu cử Quốc gia. Gay pah kan nkoch trêng tĭng ƀư geh nău tam, Ủy ban Bầu cử ăp gưl ta n'gor Gia Lai hŏ rgum tơm nuĭh lah bu ranh ƀon, nuĭh nsing nơm tâm ăp ƀon lan râng pah kan nkoch trêng./.

Nuĭh rblang: Điểu Thân