VOV4.M’nông: Ndrel ma lam dak, Rnâng kan đăp mpăn hăn trong n’gor Gia Lai rgŏ jă khlay nkoch trêng, mbơh ntĭm pháp luật ndrel du pơh mêt uănh ndrel mhal nau tih luật đăp mpăn hăn trong tâm druh ndăm rnoi mpôl đê| gay n’huch nau tâm tom ndeh tâm nkuăl rnoi mpôl đê|.

            Tĭng Rnâng kan mât đăp mpăn hăn trong n’gor Gia Lai, knŭng tâm 2 khay bôk năm aơ, tâm n’gor geh 56 tơ\ prah tâm tom ndeh khuch ngăn, [ư 46 nŭih khĭt ndrel âk jêt nŭih êng rmanh. Rlau n’gul rnoh tơ̆ geh tât nŭih druh ndăm rnoi mpôl đê|. Tâm nê, êng tâm xã Ia Hrú hŏ geh 5 nŭih khĭt. Wa Huỳnh Thái Nghiêm, Kruanh UBND xã Ia Hru, nkuăl Chư Pưh, mbơh, lĕ 5 nŭih khĭt aơ kŏ mô geh ndâu môk n’gang bôk, 2 nŭih ê geh săm [ŭt [ĭt ndeh. Ndrel đah ăp nkô| nau geh tât aơ, wa Nghiêm ân lah, geh du gưl nau tih tă bah nau mĭn eng ir kon bah kônh wa tâm [on:

             ‘Rnăk vâl eng ir kon tâm nau kan ndeh klư. Bol ma mô geh prăk, yơn lah rnăk kŏ rvăt ndeh ân ma kon. Nau hăn trong mô geh tŏng gĭt blau, leo tât ăp nau khuch mô ueh kơt nê. Nŭih tâm rnăk vâl dŭt n’hâm ndrât, bu mô mĭn tât năm hao têh, hăn tâm trong lŏ geh nau roh hoach ndal kơt nê. Bu rngot ngăn đŏng”.

            Nkoch mbơh kloh mpeh ăp nau tât rmanh tâm nkuăl [on lan rnoi mpôl đê|, Rnâng kan gung trong n’gor Gia Lai mbơh, âk ngăn ăp nŭih lah mom ndăm, nŭih pah kan bah rnăk vâl. Nau tih geh tât ngăn lah rnôk hăn trong ri rr tŏng năm dơi [ĭt ndeh, [ĭt ndeh têh ir, ngêt ndrănh [iêr rnôk nchoh ndeh, hăn ngăch ir, mô ndâu môk n’gang bôk, nchuăt tih trong...ê geh năn saơ, ê geh năn rdâng njrăng.

            Wa Nguyễn Văn Hạnh, Groi Giám đốc Sở Giao thông vận Tải, Groi Kruanh Rnâng kan đăp mpăn hăn trong n’gor Gia Lai mbơh rơh [ư nau kan nkoch trêng, ntĭm mbơh pháp luật ndrel mêt uănh ăp nau tih ndrel rklaih mhal, đăp mpăn hăn trong tâm druh ndăm rnoi mpôl đê| geh nkô| nau ân geh n’hao nau dơi, nau săk tam bah nau kơt tĭng pháp luật tâm nau đăp mpăn hăn trong tâm ăp trong tâm [on lan, nkuăl [on lan rnoi mpôl đê|, ngăn lah ntŭk trong tơm bah ndeh hăn. Tâm nê, n’gor ân uănh rjăp nau kan tâm rgop mpeh nau nkoch trêng ndrel ma rklaih ân nâp nau tih pháp luật mpeh nau hăn trong:

             ‘ Tal bôk năp, tâm rgop nau nkoch trêng lam hvi đah nau nkoch mbơh êng ân ăp nŭih bu ndăm vay ngêt ndrănh, geh nau mô ueh rnôk hăn trong. Tal bar lah nau mêt uănh, nkân njrăng, mô knŭng tâm ăp trong hăn ma hôm uănh tâm ăp trong hăn têh tâm [on lan, ngăn lah ăp trong geh tâm nthoi tâm [on lan hăn luh trong ndeh têh gay ma rdâng tă bah bôk ăp nau tât rnôk hăn trong tâm trong têh tơm”.

            Râng nar rgŏ jă, nô Siu Hiên, ta [on Rú Rưng, xã Ia Hrú, nkoch:

             ‘Săk gâp jêh hăn tâm tâm trong ri mra kơt tĭng ăp nau ntrŭnh bah bah Đảng ndrel pháp luật bah Ngih dak. Lor ma hăn trong ri gâp ân ndâu môk n’gang bôk, mô dơi ngêt ndrănh ƀiêr, mô dơi hăn ngăch, mô dơi mbluh trong ƀô ndeh”.

            Rơh rgŏ jă tĭng khay mpeh nau nkoch trêng, mbơh ntĭm pháp luật ndrel mêt uănh nkân njrăng rklaih ăp nau tih mpeh nau đăp mpăn nau rêh jêng tâm nrôk hăn trong bah nŭih mom ndăm rnoi mpôl đê| bah n’gor Gia Lai geh [ư tâm 3 khay ntơm rnôk aơ ân tât tâm khay 6./.

                                                Nŭih rblang: H’Thi