VOV4.M’nông – Khay bah năp, ăop ntŭk njok trong n’har bri n’gor Gia Lai lĕ ntrôl dăng trong kan nkoch trêng gay nuĭh ƀon lan wât n’hanh ƀư uĕh nău dơi, nău kan bah nơm tâm rnôk râng săch đại biểu Quốc hội khóa 15 n’hanh đại biểu HĐND ăp gưl năm kan 2021-2026. Ta nkuăl Chư Prông, nău nkoch trêng săch dơi ƀư đah 2 nău ngơi: Việt n’hanh Jarai tă bah pơk loa ngơi xă. Đah du đêt ntŭk ƀon lan gŭ ƀah, mbơh ƀư nkoch trêng hăn ăp ntŭk tât tĭng rnăk. Ta nkuăl Đức Cơ, trong kan nkoch trêng dơi xă mbơh ƀư đah âk trong, xă lĕ ndâk njêng Tiểu ban nkoch trêng. Ăp pơh, ăp nuĭh Tiểu ban geh nău kan nchih rgum nu nău geh tât trong kan săch gay pơk tâm loa ngơi xă, kơl nuĭh ƀon lan gĭt wât kloh bah nŭih dơi hăn săch kơt nar ƀư ăp gưl tâm rnôk săch.

Nuĭh rblang: Y Sưng Phê Ja