VOV4.M’nông – Ôi 2/4, UBND n’gor Gia Lai ƀư Rƀŭn nchră pơk sŏng dăng ƀư n’gul gâl trong kan hun hao wăng sa-rêh jêng, đăp mpăn rnă njrăng bri dak 3 khay, mbơh ƀư nău kan 6 khay năm 2021. 3 khay năm 2021, bôl rdâng đah âk jêr jŏt tă bah srê Covid-19 ntoh ta du đêt ntŭk tâm n’gor, yơn lah Gia Lai lĕ nsrôih nking n’gang, ntrôl rŭch nuh srê. Tâm 3 khay năm 2021, ƀư tĭng tâm ban (nău kan nsum” nkre nchăng n’gang srê Covid-19, nkre rgum hun hao wăng sa-rêh jêng, lôch yan puh wai năm 2020-2021, lam n’gor lĕ srih tăm rlău 77.000 ha tơm tăm ăp ntil. Rnoh khlay nkra njêng công nghiệp 3 khay bôk năm 2021 geh rlău 5.525 rmen prăk. Dĭng lĕ prăk ntuh kơl lam kon nuĭh ta n’gor 3 khay bôk năm ƀư tĭng 13.996 rmen prăk, geh 20% trong nchrăp. Tâm 3 khay đŏng, n’gor lĕ uănh an nău ntrŭnh ntuh kơl an 7 nău nchrăp ƀư đah dĭng lĕ dăn ƀư 1.988 rmen prăk n’hanh geh 220 doanh nghiệp, 48 ntŭk kan tâm n’gor ndâk njêng mhe.

Nuĭh rblang: Y Sưng Phê Ja