VOV4. M’nông: Duh phang ntoch jong tâm bah ri aơ nơh hŏ ƀư bar pe jât rbăn ha bri ta Gia Lai geh ma nău ŭnh sa bri hô. Gay lor nchrăp pah kan njrăng n'gang ŭnh sa bri, n'gor hŏ rdâk njêng trong nchrăp ăp kôp âk trong nkra gay lor nchrăp rdâng lơh đah ăp nău tât. Ƀan mât uănh bri tu dak nching sial Ia Ly dôl mât njrăng rlău 12.500 ha bri.

Ntơm bah bôk khay wai, nhih pah kan hŏ tâm pă cán bộ, nuĭh kan way hăn rsong uănh, grêt dêh ta ntŭk, lor nchrăp 4 trong rƀŏng ta ntŭk, nkre njêng ăp rmôt njrăng n'gang ŭnh sa bri đah mpôl kan tât hang rhiăng nuĭh. Nhih pah kan an ƀư ăp trong nkra kỹ thuật đŏng kơt su lor pih rêp, kuaih mbor nking ŭnh đah ăp neh bri geh ma nău ŭnh sa bri hô./.  

Nuĭh rblang: Điểu Thân