VOV4.M’nông: Ôi lơ 26/3, ta n’gor Gia Lai geh nau rgŏ jă tăm tơm si “Yor du Việt Nma ndrih” tâm ntŭk pâl n’aih Biển Hồ (xã Biển Hồ, Pleiku). Ta nar aơ, rđau kan n’gor uỷ, UBND n’gor Gia Lai, ntoh măt ăp ntŭk kan, nŭih kan tâm nkuăl ndrel rmôt kan kơl an nau nkhôm hŏ ndrel tăm 200 tơm n’ho êp nkuăl pâl n’aih Biển hồ dak (hôm ntơ lah Hồ Tơ Nưng) tâm xã Biển Hồ, nkuăl ƀon têh Pleiku.

Ta aơ, Kruanh UBND n’gor Gia Lai mbơh, n’gor rƀŏng tât nau ndâk n’gor jêng “Cao nguyên ndrih yor n’hâm soan” tăm tơm si, bri n’ho mô êng lah nau kan ntŭk gŭ, ma hôm geh tât nau hun hao văng sa, văn hoá ndrel pâl n’aih. Tâm 5 năm rlau aơ, n’gor gŏ tăm 20 rbăn ha tơm bri rgum ndrel nkhah. Nau ntrŭnh Đại hội ntih măt Đảng bộ n’gor Gia Lai tal 16, năm kan 2021-2025 kŏ leo nau kan tăm mhe 40 rbăn ha bri, n’hao nau nkŭm n’hâm bah n’gor 47,75% tâm 5 năm tât./.

Nŭih rblang: H’Thi