VOV4.M’nông – Tâm rnôk rơh khâl n’hanh pah kan ta Dak Nông, ôi 8/4, Groi kruanh N’gâng kan Lao động thương binh-xã hội Lê Văn Thanh lĕ hăn uănh nđôi nu nău pah kan, nău kan ta Công ty Nhôm Dak Nông-TKV, ta xă Nhân Cơ, nkuăl Dak Rlâp. Công ty Nhôm Dak Nông-TKV pah kan bah năm 2017, aƀaơ geh 1.045 nuĭh. Ăp năm bah năp, công ty lĕ ƀư tĭng di nău ntrŭnh mpeh nău ký ton pah kan, ndơ̆ ăp ntil bảo hiểm an nuĭh pah kan tĭng nău ntrŭnh.

Groi kruanh N’gâng kan Lao động thương binh-xã hội Lê Văn Thanh an ndơ phung pah kan ngih măy Alumil Nhân Cơ

Nău rêh bah cán bộ, phung pah kan mô rlu dơi hao, bah prăk khay, nău kơl, trong kơl an đah jay gŭ nsum n’hanh ăp ndơ ƀư kon nuĭh dŏng, văn hóa, thể dục, thể thao. Công ty hôm râng rgop, kơl ăp prăk nkrem ta ntŭk, ăp nău ƀư kơl nuĭh, đăp mpăn nău rêh jêng đah rnoh prăk rlău 69 rmen. Groi kruanh n’gâng kan Lê Văn Thanh uănh lah prêh nău uănh mĭn bah kruanh Công ty Nhôm Dak Nông-TKV đah nău rêh nuĭh pah kan n’hanh ăp nău ƀư đăp mpăn rêh jêng, kơl rnăk dơi kơl, ƀon lan rnoi mpôl đêt geh nău rêh jêr jŏt.

Nŭih rblang: Y Sưng Phê Ja