VOV4.M’nông: Kêng măng 16/4, wa Nguyễn Khắc Định, Groi Kruanh rnâng kan Quốc hội, Bí thư N’gor uỷ, Kruanh rmôt kan ntơh măt Quốc hội n’gor Khánh Hoà ƀư tơm nar tâm nchră Rnâng kan n’gor uỷ Khánh Hoà djăt nau mbơh nau rgâl nau rgum nsum nkuăl văng sa Vân Phong ndrel Bôk nau kan, nau kơl hun hao nkuăl văng sa aơ. Tĭng nau đă bah ăp rmôt kơl mbơh nchră, nkuăl Văng sa Vân Phong geh rnoh hvi rlau 150 rbăn ha, tâm nê, neh kơh ndrel gôl dak geh n’gul. Rmôt kơl mbơh nau kan aơ đă ân ntop tay du gưl vag xã Xuân Sơn, nkuăl Vạn Ninh nklăp 3.5000 ha ndrel in dak lêng nklăp 1.500 ha. Wa Nguyễn Khắc Định, Groi Kruanh Quốc hội, Bí thư n’gor uỷ Khánh Hoà đă, ăp rmôt kan, ntŭk kan bah n’gor Khánh Hoà ơm ndâk rmôt kan tâm rgop nsum mât nkuăl văng sa Vân Phong, tâm rgop nsum nau rgum nkuăl văng sa Vân Phong tâm nau rgum nsum bah n’gor Khánh Hoà./.

Nŭih rblang: H’Thi