VOV4. M’nông: Kêng măng 19/3, Groi kruanh Quốc hội Phùng Quốc Hiển, Ủy viên hội đồng bầu cử neh dak ndrel mpôl pah kan hăn pah kan đah n'gor Quảng Trị mpeh pah kan nchrăp bầu cử Quốc hội khóa XV n'hanh đại biểu HĐND ăp gưl năm kan 2021- 2026. Tât aƀaơ, n'gor Quảng Trị hŏ njêng 2 Ƀan bầu cử Quốc hội khóa XV n'hanh 16 Ban bầu cử đại biểu HĐND n'gor năm kan 2021-2026; njêng 74 ban bầu cử đại biểu HĐND gưl nkuâl n'hanh 834 ban bầu cử đại biểu HĐND gưl xã. Pah kan tâm rkhăch, nchih săk nuĭh tâm rlong di nău way, di dăp rgum n'hanh tŏng ăp quy định bah pháp luật. Tât rnôk dja, Ủy ban Mặt trận Tổ quốc Việt Nam n'gor Quảng Trị hŏ ƀư lôch jêh tâm nchră tâm ban ŭch tâl 2 săk nchih bôk năp 9 nuĭh tâm rlong đại biểu Quốc hội khóa XV ta ntŭk, 90 nuĭh tâm rlong đại biểu HĐND n'gor khóa VIII, năm kan 2021- 2026. Groi kruanh Quốc hội Phùng Quốc Hiển dăn đă n'gor Quảng Trị nchih săk bôk năp ăp nuĭh tâm rlong đăp mpăn rnoh rmeh. Rdâk njêng ngăch trong nkra nkhêp geh nău tât khuch ndal kơt trôk nar lơh, nuh srê Covid 19… ntơm bah aơ tât nar bầu cử.

Nuĭh rblang: Điểu Thân