VOV4. M’nông: Nkhêp nkah ndray nar way ơm pah kan Đảng bah dih dak (31/3), ôi ntri (30/3), Bộ Ngoại giao ƀư mâp măt way ơm "60 năm- Du njăr trong chrat ang pah kan đảng bah dih dak” n'hanh tâm nchră "N'hao nău dơi tam pah kan đảng bah dih dak tâm rơh aƀaơ". Groi Thủ tướng, Bộ trưởng Bộ Ngoại giao Phạm Bình Minh, tât râng n'hanh lah ta rnôk rđău đă tâm nchră.

Ta rơh tâm nchră, Groi Thủ tướng Phạm Bình Minh dăn đă ăp gưl uỷ tâm n'hanh bah dih dak ân n'hao lơn đŏng nău dơn kan, lor nchrăp, blău ƀư mhe, nuih n'hâm dâk kan êng, tiăr nti êng bah cán bộ đảng viên ta năp ăp nău tât, rdâk njêng rmôt pah kan đảng bah dih dak nar lơn ma nâp dăng; pah kan rdâk njêng đảng ân nkre êt lhăt đah kruanh rđău kan tĭng ƀư nău kan chính trị, nkre n'hao dăng dơn kan, mât uĕh nău kan nsum, tât râng bah ăp gưl, ăp n'gâng kan, ăp n'gor đah pah kan đảng bah dih dak./.

Nuĭh rblang: Điểu Thân