VOV4.M’nông: Lơ 30/1, ta ntŭk kan Chính phủ, Groi Thủ tướng Kruanh n’gâng kan nchră nau Phạm Bình Minh hŏ geh nau tâm nchră ngăn đah wa John Kerry, nŭih kan bah Tổng thống Mỹ mpeh nau kan rgâl mhe trôk nar. Bar ding tâm ban nau nchră nau tâm boh kan nsum ăp ding Việt Nam-Mỹ lŏ hun hao dăng tâm ăp nau kan, leo nsĭt nau săk geh nâp ueh ân ƀon lan bar dak.

Groi Thủ tướng Kruanh n’gâng kan nchră nau Phạm Bình Minh

Rnê nau kan N’gâng kan Tổng thống Joe Biden n’hao nau tâm boh ndrel ntrŭt dăng nau kan bah lam ntur neh gay rdâng đah nau rgâl mhe trôk nar, tâm nê geh nau kan Mỹ rnglăp tay nau tâm ton Paris mpeh nau rgâl mhe trôk nar. Groi Thủ tướng lah rjăp, lah ngoai tâm ăp dak geh nau khuch jâk yor nau rgâl mhe trôk nar, đah ăp nau kan rjăp ndrel nsôih chính trị prêh, Việt Nam hŏ, dôl ndrel mra kơl an ăp nau ton bah lam ntur neh ndrel tâm boh nsum gay rklaih nau tât khuch bah mih nar, tâm nê n’hao nau tâm boh đah Mỹ./.

Nŭih rblang: H’Thi