VOV4. M’nông: Ôi 30/3 ta Hà Nội, ƀư Đại hội Hiệp hội bu ur doanh nhân Việt Nam tâl 2. Groi Thủ tướng Trương Hòa Bình râng n'hanh lah ta rnôk rđău đă Đại hội. Tĭng nchih rgum aƀaơ, ta Việt Nam geh nklăp rlău 30% bu ur râng mât bôk kan ăp doanh nghiệp, n'hanh aơ lah du rnoh mô đê̆. Lah ta rnôk Đại hội, Groi Thủ tướng Trương Hòa Bình dăn đă, Hiệp hội n'hanh ăp bu ur doanh nhân ân nkoch trêng, rgŏ jă doanh nhân lah nsum n'hanh doanh nhân bu ur lah êng tâm nău kan tăch rgâl gŭ tâm trôm pháp luật, tĭng jăp pháp luật, tĭng ƀư ăp nău way kan đah Ngih dak n'hanh đăp mpăn nău dơi bah nuĭh kan, ƀư njêng, tăch rgâl, rƀŏng tât hun hao nâp dăng jŏ jong n'hanh rdâk njêng trong gŭ rêh bu ur doanh nhân săk tơm n'hanh kon nuĭh Việt Nam.

Nuĭh rblang: Điểu Thân