VOV4.M’nông: Ƀư tơm nar rƀŭn Rđau nau kan bah neh dak mpeh nau njrăng rdâng srê Covid-19 geh tâm ôi 9/5, ta ntŭk kan Chính phủ, Groi Thủ tướng Vũ Đức Đam nkah ăp n’gor nkuăl ƀon têh ân geh uănh khlay nau kan njrăng rdâng srê tâm ăp ntŭk ê nkra tăch rgâl, ăp ntŭk pah kan, ngih dak si, chợ, ntŭk kan tăch rgâl, ngăn lah rnôk N’gâng kan dak si mbơh tât nau ntưp rêng ngăch bah srê ji tâm ntŭk âk nŭih. Rnôk aơ geh 26 n’gor, nkuăl ƀon têh dak nơm dôl ma geh srê Covid-19. Srê ji hôm jong, ê geh năl rnôk lôch bah, UBND ăp n’gor, nkuăl ƀon têh ân geh n’hao nau mêt uănh, bonh đă ăp ntŭk ƀư kan ê nkra tâm nkuăl ƀư rjăp nau kan tĭng nau rđau bah neh dak mpeh nau njrăng ndrel uănh kloh nau ntưp bah nŭih pah kan tâm ntŭk pah kan ndrel ntŭk gŭ. Đah ăp ntŭk mra geh tât khuch êng, kơt: Ngih dak si, chợ, ntŭk kan tăch rgâl ân geh ƀư ân rjăp nau ntrŭnh njrăng rdâng srê geh N’gâng kan dak si ntĭm./.

Nŭih rblang: H’Thi