VOV4.M’nông – Ôi 26/3, ta Học viện Quân y (N’gâng kan mât njrăng bri dak), Groi Thủ tướng Vũ Đức Đam, Kruanh Ban ntĭm rđau Ngih dak njrăng n’gang srê Covid-19 tât khâl n’hanh ntrŭt nsôr rmôt râng mĭn njêng n’hanh ăp nuĭh ŭch êng chuh rlong nglai 2, lvang 2 vaccine Nano Covax. Tĭng Giáo sư, Tiến sỹ Đỗ Quyết, Kruanh học viện Quân Y, tât aƀaơ, nar mĭn njêng, nkra njêng vaccine Nano Covax lĕ rhoăt đêt tât rnoh dơi ƀư yơn hôm e tŏng ăp khoa học đăp mpăn gay nău rƀŏng ơm geh vaccine đăp mpăn, tam an nuĭh Việt. Rơh chuh rlong vaccine njrăng n’gang Covid-19 Nano Covax lvang 2 geh 560 nuĭh ŭch êng dăn rlong chuh, pơk hvi nuĭh bah 18 tât rlău 60 năm, tâm nĕ du đêt nuĭh geh ji ơm mô rlău mbăn. Lvang 3 dơi rlong ta 10 rbăn nuĭh, bah nĕ, geh nkô̆ nău khoa học gay nkôp an Việt Nam jêh dơi geh nău rƀŏng ơm geh vaccine, nchrăp tâm khay 9 năm aơ.

Nŭih rblang: Y Sưng Phê Ja