VOV4.M’nông: Kêng măng 12/4, wa Chử Xuân Dũng, Groi Kruanh UBND nkuăl ƀon têh Hà Nội ƀư tơm rƀŭn trực tuyến đah ăp quận, nkuăl, phường, xã gay lŏ ntrŭnh ăp nau kan njrăng, rdâng srê Covid-19 kŏ kơt lah srê ji jâng ty mbung…Tĭng nau mbơh bah N’gâng kan dak si Hà Nội, tât rnôk aơ hŏ rlau 56 nar mô geh kơp dơn srê mhe tâm ƀon lan. Nkuăl ƀon têh kŏ chuh n’gang vắc xin Covid-19 ân 8.047 nŭih, rlet nau nchrăp luh. Kan chuh vắc xin njrăng rdâng srê Covid-19 rơh 2 (rlau 50 rbăn dĭng) mra kơl an ân rlau 26 rbăn nŭih nai dak si ndrel rlau 70 rbăn nŭih tâm rmôt mât njrăng srê Covid-19 tâm ƀon lan ndrel nchrăp tâm năm aơ Hà Nộih mra chuh vắc xin njrăng rdâng ân 350 rbăn nŭih. Geh tât srê ji jâng ty mbung, wa Chử Xuân Dũng đă ăp nkuăl, ân geh njrăng rdâng srê jâng ty mbung, đă ăp quận, nkuăl lŏ nkoch ân ƀon lan gĭt, mât ân kloh ăp nau kan njrăng rdâng srê./.

Nŭih rblang: H’Thi