VOV4.M’nông: Chính phủ Hàn Quốc hŏ ntrŭnh nau mra ƀư nau nkhah srang nŭih gưl mrô 3 an ntŭk êp đah Thủ đô Seoul ndrel ăp nkuăl êp nê tâm 2 pơh, ntơm bah lơ 27/7 ân tât lơ 8/8/, gay njrăng rdâng nau ntưp rêng bah srê Covid-19 tâm ăp n’gor nkuăl ƀon têh tâm ăp khay dôl rlu nti. Nau mbơh geh ndŏ tâm rnôk ƀư nau kan njrăng rdâng srê Covid-19 yor Tổng thống Hàn Quốc Moon Jea-in ƀư tơm. Tĭng Tổng thống Hàn Quốc, rnoh nŭih ntưp dôl ma hao âk tâm nkuăl dôl ƀư rlu n’aih ndrel bah dih Thủ đô. Đah nau nkhah srang mrô 3, nŭih ƀon lan knŭng geh ân dơi mâp măt êng âk ngăn lah 4 nŭih ndrel mô dơi rgum rlau 50 nŭih. Ăp ngih tăch ndơ ngêt sa, dak ngêt, ntŭk mprơ Karaoke mra dơi pơk mpông tât 10h măng. Bah năp nê, nkuăl ƀon têh Dê-dông mbơh, mra nchrăp dŏng ăp nau ntrŭnh nkhah srang nŭih gưl 4 ntơm lơ 27/7 ân tât lơ 8/8/. Gưl kan mrô 4 mra geh ăp nau tâm mâp 2 nŭih bah kơi 6h măng ndrel ăp nau kan êng êng kŏ mô dơi ân ƀư./.

Nŭih rblang: H’Thi