VOV4. M’nông: Hàn Quốc n'hanh Mỹ mhe dơi geh nău tâm ton nsing kalơ nău way mbra ƀư tâm nchră gưl têh đah Tổng thống Hàn Quốc Moon Jae In n'hanh Tổng thống Mỹ Joe Biden ta  Washington. Nău lư dơi nuĭh tă ơm gĭt nsŏng kơl mât rnă njrăng neh dak Hàn Quốc Suh Hoon ndơ̆ luh nar (5/4) rnôk păng hăn tât Seoul lôch jêh tâm nchră 3 ding đah nuĭh ndrel gưl kan Mỹ n'hanh Nhật Bản ta Maryland, Mỹ. Yơn lah, nuĭh tă ơm gĭt nsŏng kơl mât rnă njrăng neh dak Hàn Quốc mô nkoch kloh moh rnôk Tổng thống Hàn Quốc n'hanh Tổng thống Mỹ ƀư rơh hop gưl têh yơn mbơh bar dak mbra tâm ban ŭch ƀư tâm nchră ơm. Bah năp nê, ta rnôk tâm nchră pe ding, mpôl kan Mỹ hŏ nkoch rtŭt glêh đah 2 dak băl n'gâng tơm ta châu Á lah Hàn Quốc, Nhật Bản mpeh trong kan đah Triều Tiên.

Nuĭh rblang: Điểu Thân