VOV4.M'nông: Ơh nău ôp phóng viên ta tach ndeh păr hăn dak bah dih Dulles, thủ đô Washington, Mỹ, Kruanh mpôl tâm nchră hạt nhân Hàn Quốc Noh Kyu-duk an gĭt Hàn Quốc n'hanh Mỹ dôl tâm nchră gay ntrŭt ntrôl tâm boh kơl nuĭh bar dak. Kruanh mpôl tâm nchră hạt nhân Hàn Quốc an gĭt tay mbra nchrăp lor ăp ntil ndơ khlay ta ăp ndơ nkoch trêng nău lư gay ƀư tâm nchră đah Triều Tiên lôch rnôk geh trong soih, nkre năl lah nkô̆ nău hạt nhân Triều Tiên hôm an lor bôk năp bah n'gâng kan Tổng thống Mỹ Joe Biden. Wa Noh Kyu- duk dôl geh hăn khâl tât Washington, Mỹ tĭng nău jă bah Nuĭh đă hăn kan mha êng mât uănh trong kan Triều Tiên mpeh Bộ Ngoại giao Mỹ Sung Kim. Păng mbra mâp kruanh Bộ Ngoại giao n'hanh Hội đồng rnă njrăng neh dak chính phủ Mỹ ntơm bah aơ an tât nar 1/9.

Nuĭh rblang: Điểu Thân