VOV4.M’nông: Ôi lơ 10/12, lŏ bôk nau rƀŭn tal IV, HĐND n’gor Gia Lai gưl XII, ăp ntoh măt mbơh nau tă geh bah nau tâm nchră ta rmôt đah âk nkô̆ nau khlay. Ta rơh rƀŭn, ăp ntoh măt tâm ban đah nkô̆ nau uănh nau mbơh ƀư nau kan văng sa, rêh jêng, nau rđau đă bah UBND n’gor tâm năm 2021. Ăp ntoh măt ân lah, bol ma rdâng đah âk nau jêr, ntul rlong yor srê Covid-19, yơn lah, nau ueh mpeh văng sa, rêh jêng bah lam n’gor Gia Lai năm aơ lah nau ueh ang âk.

Êp nê, du đê̆ nau ntuh luh hôm geh ntoh măt mbơh nchră tâm nar rƀŭn. Tâm nê, nau kan ntĭm nti trực tuyến, nau kơl an mpeh rvăt ndơ tuch tăm bah kônh wa tâm rnôk geh srê kŏ geh ăp ntoh măt nchră âk. Nau mô ueh bah nau kan ntĭm nti bah Internet knŭng lah dơi ntrŭnh ân geh săk tam ngăn tâm nkuăl geh nơih, ri ma nau khuch tât nau ntĭm nti bah kon se nkuăl jêr jŏt. Nau kan kơl an, kơl nŭih ƀon lan, ntŭk ƀư tâm boh nau kan tuch tăm kŏ ê geh săk tam ngăn tâm rnôk dôl geh srê, ân geh mĭn ntrong kan kơl an ân nâp tam ngăn./.

Nŭih rblang: H’Thi