VOV4.M’nông – Tâm nar 17/3 đŏng, Rơh rƀŭn Ủy ban kan ndrel (JCC) ASEAN-Hoa Kỳ rơh tal 12 lĕ ƀư tĭng trong pơk sŏng dăng. Aơ lah rơh rƀŭn ăp năm gưl Đại sứ gay uănh lah nu nău mbơh ƀư ăp nău nchrăp ƀư n’hanh nău kan ndrel tâm rnôk tâm boh kan ndrel têh hvi ASEAN-Hoa Kỳ. Rơh rƀŭn uănh lah prêh ăp hun hao khlay bah nău tâm boh kan ndrel năm bah năp, n’hanh rnê nău mbơh ƀư lĕ rngôch ăp nkô̆ nău bah Trong nchrăp pah kan ASEAN-Hoa Kỳ lvang 2016-2020. 2 ding mĭn lah tâm ton mbra ƀư trong nchrăp pah kan ASEAN-Hoa Kỳ lvang 2012-2025, nkre ntrŭt nău ƀư tĭng ăp nău ntrŭnh ma ăp kruanh 2 ding lĕ tâm ban ŭch tâm nău mbơh gưl prêh ASEAN-Mỹ mpeh hun hao nuĭh kan n’hanh ăp nău mbơh gưl prêh Đông Á dơi mbơh an tâm năm 2020. Tâm nău Biển Đông, Hoa Kỳ mbra kơl ăp nău nsrôih bah ASEAN tâm nchră Bộ quy tắc tâm uănh ta Biển Đông (COC) đah Trung Quốc, tâm di đah luật pháp lam ntŭr neh.

Nŭih rblang: Y Sưng Phê Ja