VOV4.Mnông – Ngih pah kan hun hao lam ntŭr neh Hoa Kỳ (USAID) mhe ƀư 2 nău nchrăp kan mhe gay kơl Việt Nam rdâng đah rơh duh jêr trôk nar lam ntŭr neh. 2 nău nchrăp ƀư aơ mbra kơl mât ndray rlău 950.000ha rnoh neh bri ta 12 n’gor bah Việt Nam. Tĭng nĕ, Nău nchrăp ƀư mât uănh bri nâp nâl yor rmôt kan DAI Global ƀư geh nău rƀŏng n’hŭch duh carbon yor roh bri, hŭch bri n’hanh ăp nău kan mât uănh jêr đah trong kan tăm bri sŏk si ta 7 n’gor. Nău nchrăp ƀư dơi ŭch n’hao dăng an ăp ngih pah kan ƀư tĭng pháp luật bah Việt Nam tâm nău rchăng n’gang nuĭh têh đah bri kơt sŏk si mô tâm di nău way; rgâl joi nău rêh an 60.000 nuĭh tâm ăp nsum mpôl rêh knơm tâm bri n’hanh rgâl trong kan mât uănh đah rlău 250.000 ha bri. Nău nchrăp ƀư Mât ndray âk ntil sing học Tơm prăk nkrem Thiên nhiên lam ntŭr neh (WWF) ƀư mbra mât njrăng ăp hệ sinh thái khlay gay n’hao dơi rdâng bah năp nău khuch bah rgâl trôk nar.

Nuĭh rblang: Y Sưng Phê Ja