VOV4.Mnông – Nar nđaơ 27/5, Hội đồng Bảo an Liên hợp quốc lĕ ƀư rơh rƀŭn ăp khay mpeh nu nău Trung Đông, geh nău Palextine. Ăp dak tâm Hội đông bảo an rnê nău ăp ding mbơh rlu pănh jêh 11 nar tâm lơh duh jêr, yơn lah, nkoch klach rvê đah nău dơi mât đă rlu pănh aơ, kuăl jă ăp ding an nkân nkân tay, mô geh nău ƀư jêr tay nu nău. Ăp dak uănh lah prêh nău tơm bah ăp dak, ăp rmôt kan tâm n’hanh bah dih nkual lĕ nsrôih ntrôl ăp ding n’hao duh hao, dơi geh tâm ton rlu pănh. Mpeh nău kơl nuĭh, ăp dak tâm HĐBA nkoch klach rvê hô đah nu nău aƀaơ ta Gaza jêh tâm lơh, lơn lah nu nău ăp ndơ ntung trong ndơ dŏng lĕ phah djơh, ƀư nău rêh bah nuĭh ƀon lan jêr jŏt. Âk nău rgop kuăl jă n’hao ntop kơl an ăp nău ƀư kơl nuĭh n’hanh ndâk njêng tay.

Nuĭh rblang: Y Sưng Phê Ja