VOV4.M’nông: Lơ 13/8, Hội đồng bảo an Liên hợp quốc hŏ rƀŭn djăt nau mbơh mpeh nau kan ta Xomali ndrel nau kan bah rmôt kơl an bah Liên hợp quốc tâm dak aơ. Ăp nŭih mbơh nau nchră tât nau kan chính trị ta Xomali dôl geh âk nau kan ueh tâm nau nchrăp ndrel nau nchrăp ƀư săch Quốc hội ndrel Tổng thống geh tâm khay 8 tât khay 10 năm aơ. Chính phủ liên bang ndrel ăp bang kan nsum hŏ nsôih tâm nchră gay dơi geh nau nchrăp dăch dŭt tâm khay 5 mhe rlau, rgop nau rklaih ăp nau kol chính trị ta Xomali. Ăp nŭih mbơh nau đă Liên hợp quốc, ăp ntŭk kan dak ba dih, ngăn lah Liên minh Châu Phi lŏ kơl an n’ăp ma tơm prăk, nau kan ân rơh săch kan ta Xomali ndrel tâm rgop ngăn đah rmôt kan rnă njrăng, tahen ƀư ăp nau kan mât cử tri ndrel râng nklăch phiếu, ngăn lah bu ur ndrel kon se. Ăp nŭih kan nsum bah Hội đồng bảo an ntoh nau kơl an nau săch kan ơm ta Xomali, kơp dơn ăp nau nsôih bah Chính phủ, ăp bang kan nsum tâm nau tâm nchră ndrel nau tâm ban chính trị mpeh năm kan ndrel nau ƀư săch kan./.

Nŭih rblang: H’Thi