VOV4.Mnông – Nar 31/3 (tĭng mông New York), Hội đồng Bảo an Liên hợp quốc lĕ rƀŭn tâm nchră mpeh nu nău Myanmar đah trong ƀư pơk sŏng dăng. Aơ lah rơh rƀŭn tal 3 bah Hội đồng bảo an Liên hợp quốc mpeh bôk nău aơ tâm rlău 1 khay bah năp. Đặc phái viên bah Tổng thư ký Liên hợp quốc mpeh nău Myanmar an gĭt: Bah nar 1/2/2021 tât aƀaơ lĕ geh rlău 520 nuĭh khĭt, tâm nĕ geh n’ăp kon se n’hanh bu ur, nkoch nău klach rvê nu nău geh jêr jŏt lơn, kuăl jă Hội đồng bảo an uănh mĭn tay geh nău ƀư nsum gay dêr tay nău hŭk mham. 15 dak tâm Hội đồng bảo an lĕ ntoh ngơi, nkoch nău klach rvê hô đah nău hao tâm lơh, jêng tât nău khĭt bah hang rhiăng nuĭh ƀon lan, phong nău dŏng tâm lơh n’hanh đă ăp ding n’hŭch duh jêr, tâm nchră gay mkra nu nău. Ăp dak n’hao nău ƀư tơm bah ASEAN, mpŏng ăp rƀŭn nchră bah ASEAN tât aơ taơ mbra kơl Myanmar joi trong mkra tâm di.

Nuĭh răk rblang: Y Sưng Phê Ja