VOV4. M’nông: Nar 23/3, Hội đồng Bảo an Liên Hợp Quốc (HĐBA LHQ) ƀư rơh hop pơk sŏng dăng gay tâm nchră mpeh nô nău Afghanistan n'hanh nău kan bah Mpôl đă hăn ntop kơl bah Liên hợp quốc ta dak dja. ăp dak lăp kan nsum Hội đồng bảo an nkoch nău klach rvê bah ăp nuĭh mbơh nău lư mpeh nău duh jêr rnă njrăng, kơl nuĭh ta Afghanistan tâm bah ri aơ nơh n'hanh kuăl jă ăp ding geh tât ta Afghanistan ơm geh tât nău dơi ngăn ngăn tâm nchră đăp mpăn. Ăp dak lah rjăp tay nău kơl đah nău kan bah Mpôl đă hăn ntop kơl Liên hợp quốc tâm rnôk nuh srê COVID-19. Đại sứ, Kruanh mpôl đă hăn kơl way gŭ kan bah Afghanistan ta Liên hợp quốc lah rjăp Chính phủ Afghanistan hŏ n'hanh dôl nsrôih ntrŭt ntrôl rnôk tâm nchră đăp mpăn, kuăl jă ăp dak lam ntŭr neh kơl n'hanh ntop kơl Chính phủ n'hanh nuĭh ƀon lan Afghanistan tâm trong joi nău đăp mpăn n'hanh plơ̆ njêng tay neh dak./.

Nuĭh rblang: Điểu Thân