VOV4.M'nông: Hội đồng Bảo an Liên hợp quốc nar 27/09 hŏ ƀư nkah ndray 25 năm nar pơk ký Hiệp ước mpăng rlong hạt nhân lam lĕ rngôch. Ăp nău kan mbơh nău lư n'hanh lĕ rngôch ăp nuĭh ntơh măt ăp dak lah rjăp rlong hạt nhân, ndrak nsiu hạt nhân mbra lah ăp ntil geh ma nău lơh nkhĭt hêng kon nuĭh, lơh khuch djơh tât ntŭk gŭ rêh neh ntu bri dak. Hiệp ước mpăng rlong hạt nhân lam lĕ rngôch lah du gâl kan khlay tâm nău way rdâng lơh dŏng âk ndrak nsiu, ntlơi jăng ndrak nsiu hạt nhân. Bol Hiệp ước mô hŏ geh nău tam yơn ntơm bah rnôk Hiệp ước dơi pơk ký dơn hôm bar pe tơ̆ rlong hạt nhân. Nkhêp nkah ndray 25 năm nar ký Hiệp ước mpăng rlong hạt nhân lam lĕ rngôch, âk nău lah kuăl jă ăp dak mô hŏ ký, uănh an dŏng Hiệp ước, lơn lah 8 dak hôm ƀa ƀă tâm Phụ lục 2 bah Hiệp ước, ân ơm râng ký, uănh an dŏng gay Hiệp ước geh nău tam./.

Nuĭh rblang: Điểu Thân