VOV4.Mnông- Bâh nar 13-14/10, Indonesia lĕ geh ƀư tâm nchră Biển Đông tal 30 gay ma tâm nchră mpeh nău tâm ton kan bar ding ndrel geh ueh đah ăp nău ntul rlong nsum ta nkual Biển Đông. Rơh tâm nchră geh ƀư tĭng trong trực tuyến tâm rgop ndrel tâm mâp sŏng dăng, geh nău tât râng bâh 67 đại biểu tât bâh 11 ngih dak n’hanh nkual neh ta nkual Biển Đông, geh Brunei, Philippines, Indonesia, Campuchia, Lào, Malaysia, Myanmar, Thái Lan, Trung Quốc, nkual neh Đài Loan (Trung Quốc) n’hjanh Việt Nam. Ntơm pơk tâm nchră, groi kruanh n’gâng kan nchră nău đah dak bah dih Indonesia, wa Mahendra Siregar lĕ lah na nê̆ nău khlăy bâh nău tâm kơl n’hanh tâm rgop đah ăp ding tât râng gay ma tâm nchră n’hanh mât uănh ăp nău ntul tlong nsum ta Biển Đông, tâm nĕ geh rgâl trôk nar mih sial n’hanh nău tât bâh dak lêng hao têh. Tât râng tâm nchră, kruanh mât nău kan kơl nchră nău đah dak bah dih, n’gâng kan nchră nău dak bah dih Indonesia Teuku Faizasay an lah aơ lah rơh nkhêp gay ma hun hao nău tâm boh kan ndrel geh ueh.

Nuĭh rblang: Thị Đoắt