VOV4.Mnông- Indonesia n’hanh Malaysia lĕ tâm ban ŭch ƀư tĭng ăp nău tâm ton trong hăn nsong đah ăp nuĭh lĕ lôch chuh vacxin Covid-19, kơl ntrôl ngăch ntrong kan ndâk nsơm wăng sa ta rơh nuh srê Covid-19. Nău tâ ton pơk tay trong n’har bri nsum dơi geh ta rơh tâm mâp đah Tổng thống Indonesia Joko Widodo n’hanh Thủ tướng Malaysia Ismail Sabri Yaakob di rơh tât khâl ta Jakarta bâh nar 9-11/11. Ntoh ngơi ta rơh rƀŭn nchră nsum lôch geh ăp rơh tâm mâp, Tổng thống Indonesia, Joko Widodo an gĭt bar ding mbra geh pă dăp nău kan hăn pâl nđaih tĭng rơh gay ma kơl ndâk nsơm nău wăng sa. Rơh bôk năp, nău pâl nđaih mbra geh dŏng ta thủ đô Kuala Lumpur bâh Malaysia, thủ đô Jakarta n’hanh gôl dak Bali bâh Indonesia. Ăp nuĭh ƀon lan lĕ lôch chuh n’gang tŏng bar nglai vacxin Covid-19 n’hanh geh sƀ xét nghiệm đah trong PCR mô geh ntưp ê lor hăn mbra geh hăn nsong đah bar dak bâh trong hăn aơ.

Nuĭh rblang: Thị Đoắt