VOV4.M’nông: Iran mhe mbơh ntơm nau ƀư âk Urani tâm rnoh 60%. Nau kan aơ geh jêh rnôk mpeh EU ton ntop tâm moh săk mhal 8 n’gâng kan rnă njrăng bah Iran. Nau kan bah lĕ 2 ding geh ân lah mra ƀư nau rdâng đah nau tâm nchră gay kơl an nau nchrăp ndrak nsiu geh ntơ Nau nchrăp kan nsum ăp ntil (JCPOA) geh ƀư tam lơ 15/4 ta Viên, dak Aó. Jêh geh nau mbơh bah Iran, Thư ký báo chí chính phủ Mỹ Jen Pasaki, ton lah, Mỹ rvê mpeh nau mbơh “joi nau” bah Iran, yơn Mỹ hôm nsôih đah nau tâm nchră nau kan ndrak nsiu đah Iran. N’gâng kan mêt uănh bu ndơn saơ, nau tâm nchră aơ mra geh âk nau kol ndrel mra tŭp tâm nau kol rnôk bah năp nê ăp ding mô ŭch tâm kơl ndrel tŏng ŭch nau đă bar ding./.

Nŭih rblang: H’Thi