VOV4.M'nông: Ủy ban bầu cử gưl têh ta Iraq mhe mbơh lôch jêh lĕ rngôch ăp rơh kơp tay phiếu n'hanh kơp phiếu ma ti đah nău ntơh măt bah ăp mpeh đảng, nuĭh groi nđôi dak bah dih n'hanh nuĭh kan nkoch trêng nău lư. Lôch jêh kơp n'hanh tâm pă ma ti tâm ban 100% rđĭl đah lôch jêh kơp n'hanh tâm pă ma điện tử. wa Imad Jamil, du hê nuĭh kan nkoch trêng nău lư bah uỷ ban bầu cử năl nău lư dja n'hanh an gĭt jêh geh mbra dơi mbơh hao Hội đồng ủy viên lor rnôk njuăl tât nhih pah kan tư pháp gay mĭn uănh n'glĕ dŭt. Nklăp mbra geh n'glêh an tâm n'gul pơh bah kơi tay lôch rnôk duh jêh rơh uănh năl di tay. Lôch jêh kơp tay dja jêng lah ăp nsưng gŭ kan tâm quốc hội bah ăp mpeh hôm mât kơt ơm tĭng rơh bầu cử bôk năp đŏng. Tĭng ủy ban bầu cử Iraq, rnoh âk nuĭh râng tâm ăp rơh bầu cử quốc hội ơm ta dak dja lah 43%, đah nău tât râng bah rlău 9 rkeh 500 rbăn cử tri tâm lĕ rngôch rnoh 22 rkeh nuĭh Iraq tŏng nău dơi nklăch phiếu./.

Nuĭh rblang: Điểu Thân