VOV4.M’nông: Bộ Y tế Israel mbơh kon se ntơm bah 5 tât 11 năm deh geh ma nău ntưp âk bah Covid-19 mbra dơi an chuh vaccine. Aƀaơ dơn geh kon se ntơm bah 12 năm deh let lơ mơ dơi chuh vaccine njrăng n'gang COVID-19 ta Israel. Yơn lah mbra dơi mĭn uănh an chuh n'gang an kon se ntơm bah 5-11 năm deh geh ji klơm soh jŏ bah, djôt săk dăng chŏl nuh srê kơt, ung thư, ji n'glên lay, hao lhăt klơm soh... Bộ Y tế Israel an gĭt rnoh âk dŏng an kon se ta ăp rnoh năm deh dja lah 0,1 ml, đêt rlău 3 tơ̆ rđĭl đah rnoh di. Trong an chuh n'gang ta Israel ntơm bah nar 20 khay 12 năm 2020, đah rơh bôk năp an mpôl kan dak si, nuĭh rlău 65 năm deh n'hanh nuĭh ji jŏ bah. Kơp ntơm bah nê, rnoh năm deh dơi tŏng an chuh n'gang dơi njŭr đêt./.

Nuĭh rblang: Điểu Thân