VOV4. M’nông: Mbah rhơn nkah ndray 46 năm nar rklaih luh miền Nam dơn ngoăy neh dak (30/4/1975-30/4/2021), Mpôl druh ndăm công ty điện lực Dak Lak hŏ dâk ƀư n'hanh jao an n'gâng ŭnh "Mpoh ang trong ƀon" ta Quốc gia Yok Đôn, nkuâl Buôn Đôn.

N'gâng ŭnh geh lĕ rngôch 10 bóng đèn mpoh ang ma ŭnh măt nar đah lĕ rngôch rnoh khlay rlău 20 rkeh prăk. Nău ntrŭp n'hanh n'glăp dŏng n'gâng ŭnh mpoh ang ma điện măt nar rgop mpêt nkrem ŭnh nar, mpêt nkrem prăk rnôk dŏng. Bah meng nău rhŏ dŏng an rsong hăn, pah kan, pâl nđaih măng ta Vườn Quốc gia, n'gâng ŭnh hôm rgop n'hao đăp mpăn rnă njrăng tâm nkual./.

Nuĭh rblang: Điểu Thân