VOV4.M’nông: Tâm rnôk rnoh dak pring lam ntur neh dôl ma hao khlay, ntŭk kan ăp dak tăch luh tơm pring ndrel ăp dak kan nsum (OPEC+) tâm lơ 4/10 hŏ ntơm rƀŭn nchră trực tuyến gay ntrŭnh nau geh n’hao đŏng lah mô rnoh ê nkra dak pring. Nau kan mô tŏng dak pring dôl ma geh âk tâm âk dak lam ntur neh kơt Trung Quốc, Anh ndrel Liên minh Châu Âu. Nau ŭch n’hao lơn tay kŏ ân saơ, lam ntur neh dôl ma tâm nau ndâk tay jêh 2 năm khuch tă bah srê Covid-19. Nau aơ hŏ ƀư rnoh dak pring rơh bôk năp hao rnoh khlay rlau 80 đola/thùng tâm khay bah năp, jêh bơi tât 3 năm rlau aơ. Bah năp nau kan aơ, OPEC+ mra ndơ̆ luh nau ntrŭnh mât rnoh geh âk kơt rnôk aơ mô lah n’hao lơn tay gay ma n’huch nau jâk khuch mpeh tơm pring lam ntur neh. Tâm rơh rƀŭn tâm khay 7 mhe rlau, OPEC+ tâm ban nau n’hao rnoh geh sŏk dŏng ntop tay 400 rbăn thùng/nar bah ăp khay./.

Nŭih rblang: H’Thi