VOV4.M’nông: Tổng Liên đoàn Lao động Việt Nam kŏ mhe ƀư tâm nchră trực tuyến ntrŭnh nau kan Khay công nhân năm 2021 đah nkô̆ “Tâm rnglăp, blau mhe, rlet nau jêr, hun hao”. Yor nau geh khuch bah srê Covid-19 yor ri ma âk ntŭk kan tăch rgâl, ntŭk kan, rmôt kan ndrel đoàn viên, nŭih pah kan geh khuch ngăn.

Rlau ma nê, âk rkeh công nhân, pah kan tậm lam dak tâm rnglăp, blau nau mhe geh rlet rlau ăp nau jêr bah năp măt ndrel nuih n’hâm rlet gay hao jêng, geh nau ŭch hun hao yor nau đăp mpăn ueh lăng bah săk nơm, rnăk vâl, nau ndâk njêng, hun hao bah ntŭk kan ndrel nau nâp nâl bah neh dak. Yor nê ma Khay công nhân năm aơ geh nkô̆ “Tâm rnglăp, blau nau mhe, rlet nau jêr, hun hao”. Ngoai tâm ăp nkô̆ nau tơm bah khay công nhân năm aơ lah Bôk nau kan “75 rbăn nau mhe, rlet nau jêr, hun hao”. Mrô 75 rbăn nau mhe đah nau ŭch công nhân Việt nam nkah, ryơk, ƀư jru nâp tay nuih n’hâm bah nar lam ntur neh pah kan ta Việt Nam bahâƀơ 75 năm geh ƀư ta Thủ đô Hà Nội. Nkre lah, rhơn nkah 75 năm nar Săch kan bôk năp Quốc hội dak Cộng hoà xã hội chủ nghĩa Việt Nam./.

Nuĭh rblang: H'Thi