VOV4.M’Nông: Đah nau kan ăp đoàn viên ndrel kon se nti rgop 1000 du năm gay ma rgop prăk ndâk ngih kơl an, bơi tât 8 năm rlau aơ, âk jêt rnăk vâl bah kon se nti tâm nkuăl Krông Pách, n’gor Dak Lak hŏ ndơn geh nau kơl an gay ma ndrâk ngih nâp nâl lơn. Ăp ngih geh ndâk tă bah prăk 1000 aơ hŏ kơl an ăp oh ndrel rnăk vâl geh tay nau rnơm, nau nsôih rlet rlau tâm nau ntĭm nti ndrel nau rêh.

Tâm nklang bri duh nar dĭng nar, nô Y Đút Êban, tâm [on Kplang, xã Tân Tiến, nkuăl Krông Pách, n’gor Dak Lak hôm nsôih nkra ngih. Nô Y Đút nkoch, ân ndăn [ư ân jêh gay ma nŭih bu nkra ngih hôm nkra ntŭk êng. Âk năm ma aơ, 2 hê ur sai nô hăn pah kan tâm ntŭk ngai, jŏ mơ  geh sĭt ngih, 3 nŭih kon păng njoăl ân u păng mât rong ân. Ngih ơm bah 2 hê ur sa, ngăn lah knŭng nkơp kon jê| hvi nklăp 10m vuông, mpir ngih ndrel ngih ntă ma tôl gay ma bah mpruh mih nar.

Nau rhơn bah nô Y Đút rnôk geh ân ngih.

Bôk năm aơ, kon nô Y Dút lah mom Y Duy (kon se nti jrâu 4D, ngih săm [ŭt Tiểu học Ngô Gia Tự) geh Đoàn nkuăl Krông Pách uănh kơl an 25 rkeh gay ma nkra ngih kơl an, ndrel ăp rmôt bu kŏ kơl an tay 40 rkeh đŏng gay ma nkra ngih. Ngih mhe ntơm geh ndâk tâm khay 3 aơ, lĕ ma rnăk nô Y Đút rhơn ngăn:

  ‘ Nau kan ndrel văng sa bah rnăk vâl mâp âk nau jêr ngăn, knŭng nsing tâm nau hăn kan ân ma bu gay ma geh ndơ sa ăp nar yor ri ma ngih kŏ gŭ nklă nklel dơm yorr mô geh ntŭk manh gay ma ndâk ntŭk gŭ ân nâp lơn. Rnôk aơ geh ăp tơm prăk bu kơl an ân ndâk ngih ri gâp saơ rhơn ngăn. Geh ngih ri rnăk hân nsôih pah kan jan sa gay ma hun hao văng sa ndrel rvăt ndoh ndơ tâm ngih đŏng”.

Bah năp nê, kŏ tâm xã Tân Tiến, nkuăl Krông Pách, hŏ geh 2 ngih kơl an êng geh ndâk. Wa Mai Thị Phương, ngoai tâm 2 rnăk geh kơl an ndâk ngih, nkoch: Neh tuch tăm mô âk, yor ri ma wa hăn dônh dĭng chai nhựa gay ma tăch rong 3 kon hăn nti, nau rêh văng sa jêr jŏt ngăn. Rnôk geh kơl an 25 rkeh [ư ngih, ur sai wa nsôih manh prăk bu ntop gay ma geh ngih ân hvi lơn. Ăp đoàn viên druh ndăm ndrel oh nô băl mpôl lŏ kơl an nar pah kan, jêh rlau du khay, ngih hŏ jêh. Wa Mai nkoch:

 ‘ Rnoh prăk aơ đah bu êng ri dji| dơm, ma đah gâp ri âk ngăn, nuih n’hâm bu yŭ ndrel ma kơl an gâp âk ngăn, saơ kŏ rhơn đŏng. Ntơm nrôk geh ngih aơ ri saơ ueh m’ak ngăn, a[aơ ri đăp mpăn hôm, dôih rnon ri kŏ trok lĕ rnoh manh gay ma săm ji ndrel nkra ngih vâl kŏ jêh hôm đŏng”.

Wa Mai Thị Phương bah năp ngih nơm.

Ăp ngih kơl an geh ndâk tă bah tơm prăk bah Bôk nau kan “Ngih kơl an-Ngih 1000 prăk” yorr Đoàn nkuăl Krông Pách ntrŭnh tă bah năm 2013. Tĭng nê, ăp năm, Đoàn nkuăl bonh đă nau rgop bah ăp đoàn viên, druh ndăm lam nkuăl, du hê rgop 2000 gay ma nkra 2 ngih ân nŭih geh dơi kơl, nŭih geh nau rêh jêr jŏt, mô geh ngih gŭ (tâm ban ma du hê rgop 1000 ndâk du ngih). Ndrel đah prăk kơl an, đoàn viên druh ndăm tâm nkuăl  mra joi tay ntŭk kơl an mô lah kơl mpeh n’hâm kan, kơl an rnăk kơp uănh, nkra ân tâm di. Nô Võ Quốc Việt, Bí thư đoàn xã Tân Tiến, nkuăl Krông Pách, mbơh nau kan bah xã:

’Ăp năm kŏ geh bôk nau kan kơl ndâk ngih kơl an 1000 prăk ri [ư tĭng nau ntrŭnh đă bah Đoàn nkuăl ri phung hên ntrŭnh tât ăp chi đoàn ăp thôn, [on ndrel kơp uănh ân dăch bah ăp thôn [on ndrel tâm rnôk ntrŭnh [ư ndâk nkra ri nau kan rưih ngih, kơl nkra ngih lah đoàn xã kơl an. Lam ntrong kan chính trị lăp kơl gay ma n’huch ân rnăk ach o ndrel ăp rnăk jêr mô geh ngih gŭ ri ân geh rklaih ơm gay ma khân păng đăp mpăn hun hao văng sa”.

Tât rnôk aơ, bôk nau kan Ngih 1000 tâm nkuăl Krông Pách, hŏ kơl an ân 12 ngih ân kon se ach o. Nô Nguyễn Văn Hà, Bí thư đoàn Nkuăl Krông pách ân gĭt, ndrel ma rnoh kơl an 25 rkeh tă bah tơm prăk rgop, ăp gưl kan đoàn hôm rgŏ jă rgop kơl tă bah ăp tơm ntuh kơl êng gay ma đăp mpăn ngih geh ndâk 50 rkeh hao gŏ lơ, ndâk đah nau têm nkrem ndrelsăk tam ngăn.

N

Nô Y Đút ndăn lâng neh.

Bôk nau kan hŏ leo nsĭt ăp nau geh ueh ngăn, mô êng knŭng kơl an ăp rnăk geh ngih nâp gay tă bah nê đăp mpăn nau rêh ma ăp nhoat jut rklaih ach o ndrel ma hôm ndâk nuih n’hâm tama kơl an tâm đoàn viên, druh ndăm ndrel kon se nti:

  ‘Nau ueh ngăn mô knŭng nsing tâm ngoh geh ndâk nkra ma nê lah n’ăp du nau tâm pă, nau ntĭm nti ân druh ndăm kon se blau têm nkrem, nau tâm rŏng, kơl an tă bah nsum mpôl. Nau ngăn ân saơ âk rnăk vâl, ngăn lah kon se jê| geh kơl an tă bah bôk nau kan aơ ri geh nau nsôih nti, rlet rlau tâm nau nti ndrel rnăk vâl geh nau ueh đŏng mpeh văng sa ndrel râng ueh tâm nau kan bah nkuăl. Tă bah nau kan khlay aơ ri kŏ geh nsum mpôl [on lan nsum ty kơl an”.

Knŭng đah ntơm 1000 prăk du năm, rnoh prăk aơ bol ma mô âk, yơn đah nau rgop ty, rgop n’hâm bah đoàn viên druh ndăm ndrel kon se nti, nar lơn geh tay ăp ngih geh kơl an tâm nkuăl krông Pách geh ndâk. Nau kan aơ bah đoàn nkuăl Krông Pách hŏ rgop n’hâm [ư rêng âk lơn nuih n’hâm tâm pă, tâm kơl, tâm rnglăp tâm rơh mom, ntĭm nti ân ăp oh nau ueh “N’ha ueh nkŭm n’ha sat” bah rnoi nơm./.

                        Nŭih rblang: H’Thi