VOV4.M’nông –Bol ma mpeh nkual yôk yang, yơn rmok dak ho\ jêng nău ntêt nkri du\t têh đah kon se ta Dak Lak âk 86% nău tât rmoh rmanh jêng kh^t yot. Rmok dak ta n’gor  way geh mô kâp khay mih mô lah khay wai, an tay ăp nău rngot klâng, roh yot têh đah rnăk wâl,băl mpôl.  G^t nău rngot klâng rmok dak  n’hanh ndrel geh trong ntrôl ru\ch ntil nău tât dja lah nău phóng viên Đài TNVN mbra nkoch tâm du rơh nău nchih: “Rmok dak ta kon se Dak Lak- yô| nđach nău rngot klâng, nsum ti dâk kan”.

Yuh Nguyễn Thị Thu, ta nkuăl têh Ea Pô|ch, nkuăl Cư M’gar, n’gor Dak Lak le\ rlău [ư nkah g^t 2 tơ\ an kon bu ur mpu\t bah nơm lah Nguyễn Thị Thanh ma mô ho\ dơi bah nău rngot. Dak măt hoch jông, yuh Thu nkah g^t tay kêng măng roh 28/1/2016. Rnôk ne\, knu\ng hôm 10 nar tay lah tết nguyên đán Bính Thân, oh dơi rlu nti jêng 3 nu\ih băl êng tât jay pâl. Tâm rnôk ăp oh ngêt sa, pâl rlưn bah kơi jay ri geh tâp tâm n’glău dak jêt. Nu\ih têh knu\ng ngăch kơl 2 tâm 5 oh, 3 oh hôm [a [a\ rô| mpât jêh ne\ ngâm. Tết jêng nău kh^t, lam [on lan rngot. Bôl le\ rlău 2 năm bah năp, yơn yuh hôm e nduih săk nơm:

Kêng ma\ng ne\ 3 mông, bu uh ah bah dâng aơ, gâp tâm mir cao su mô g^t ndơ. Tăng nteh n’gôr ri nchoăt s^t. Jêh ne\ bu ndơ\ tâm jay mô hăn tâm n’glău. Gu\ du ndâm, bu wơt oh ka lơ, bu chông. Hôm 2 oh êng ri tăng kon yuh hăn pơng tăng nter ri păng ju\r djôt mâng dô|t 2 hê băl bah oh pơng. Dô|t geh 2 hê jêt hao ka lơ hôm 3 hê ngâm ri khân pơng wơt kơt ne\. Phit klach, mô geh ndơ g^t, kônh wa khân pơng m^n le\ ndôt ndal nga\n, phit klach ngăn.

Ntu dak jêt bah kơi jay yuh Nguyễn Thị Thu, ntu\k geh rmanh [ư 3 oh jêt kh^t nar 28//2016

Nô Y Rem Bdap, ta [on Chuah A, xă Yang Reh, nkuăl Krông Bông, n’gor Dak Lak roh du hê kon bu klô yor rmok dak tă aơ bơi du năm. Nô nduih êng săk nơm, lah n’gar n’glău dak jêt bah kơi jay ri nău rmanh mô geh đah kon bu klô mpu\t 17 khay Y’Tai H Long.

Bar hê ur sai dôl kan, du ndâm jêh rwach tuh mbô hăn joi mô saơ mon. Du ndâm bah kơi yuh mpôl bah mon saơ mon n’ông ta ntu dak bah kơi jay. Gâp nchoăt wơt mon jêh phôl n’hâm tâm mbung yơn mon mô hôm dơi nsôr ri ut mon s^t jay, jêh nu nău gâp chôt dâl.

Nô Y Rem Bdap (bah ma ty) nkoch tay nău rmok dak đah kon bu klô Y Tai HLong tâm nar 22/7/2017

T^ng kơp uănh bah N’gâng kan Lao động-thương binh n’hanh xã hội n’gor Dak Lak, tâm 2 năm 2016-2017, lam n’gor geh 2.46 kon se geh rmanh yô| nđach, tâm ne\ geh 112 oh kh^t. Kh^t yor rmok dak lah 97 nu\ih, geh bơi 86% kon se kh^t yor rmanh yô| nđach. Du\t âk ăp nău rmok dak geh ta kon se bah 10 tât 14 năm deh, âk nău yô| nđach geh [ư 2 tât 3 oh hăn ndrel du tơ\. Nkô| nău du\t âk lah yor ăp oh hăn u\m ntu n’glău kan, rbông dak. Du đêt nu\ih yor ăp oh mb^r jâng chôt yơn mô g^t re, cheh ngo măt yơn me bơ\ mô ru hăn kan, mô geh nu\ih mât rong mô lah hăn ndar ka, hăn rao grăp bơ ri geh prah kh^t rmok.

Wa Nguyễn Duy Tuyết, Kruanh jrô kan Mât njrăng, uănt mât kon se n’hanh tâm ban bu ur bu klô, N’gâng kan Lao động-Thương binh n’hanh xã hội n’gor Dak Lak an g^t, [on lan geh dak me dak diăng, ntu n’glău dak âk gay rho\ do\ng lo\ mir. Nău rêh drăp ndơ, nuih n’hâm bah du gưl nu\ih [on lan, lơn lah nu\ih rnoi mpôl đêt nkual jru ngai hôm e jêr jo\t jêng mô geh nău ua\nh tât oh kon. Ndơ geh ntuh kơl an nău nt^m re dak hôm e đêt. Âk ntu\k mô geh ntu\k pâl rlưn an kon se. Ne\ lah ăp nău ntul rlong têh tâm trong kan njrăng n’gang rmok dak ta kon se.

He an n’hao trong kan nkoch trêng bah ăp gưl n’gâng kan ta [on lan. Tal 2 an tiăr nti wât rbăng đah me bơ\ kơt đah ăp oh gay g^t đah ntu\k ntô dak gay geh trong rchăng n’gang. Lơn lah, gay rho\ an nău aơ an geh nău ntuh kơl âk nu\ih drăp ndơ bah ngih dak kơt na\u ntop kơl, lăp bah ăp doanh nghiệp n’hanh ăp nu\ih lo\ng bôr tôr. He an ndâk [ư ăp ntu\k re, [ư nt^m an dơm kon se lah nsum, lơn lah kon se nkual jru ngai, nkual jêr jo\t.

N’gor DakLak nsrôih tât năm 2020 n’hu\ch 15% rnoh kon se kh^t yor rmok dak nkôp đah năm 2015. Nău ne\ an geh ăp trong mkra jo\ jông, săk rnglăy nkre nkoch trêng, n’hao wât rbăng mpeh khuch bah rmanh rmok dak an kon se, nkre năp an ăp oh g^t re n’hanh mkra tâm dak, nkre nta an kon se ntu\k ntô pâl rlưn tâm di. Gay mô hôm ăp nău rmok dak yô| nđach, mô geh ăp nău klach rvê, yô| rngot bah nu\ih gu\ bâh kơi n’hanh đăp mpăn nău dơi rêh an kon se.

            Nu\ih rblang: Y Sưng Phê Ja