VOV4. M’nông: UBND n'gor Kon Tum mhe ƀư Hop pơk sŏng dăng đah ăp nkuâl, nkual ƀon têh way ăp khay khay 3 gay uănh năl nô nău hun hao wăng sa- rêh jêng kon nuĭh quý I; an ƀư trong rƀŏng, nău kan quý II.

Tâm quý I năm 2021, bol ma tâm rdâng đah ăp ntil jêr jŏt, ntul rlong tât khuch bah nuh srê Covid-19, nô nău hun hao wăng sa- rêh jêng kon nuĭh  n'gor Kon Tum đăp mpăn, hun hao n'hanh geh âk nău dơi tay, đăp mpăn tât rnoh kan "ndrop". Gay tĭng ƀư jăp ăp rnoh tât kan, rnoh tât nô nău hun hao wăng sa- rêh jêng kon nuĭh năm 2021, tâm quý II, UBND n'gor Kon Tum ndơ̆ luh du đêt nău kan rgum tơm: an ƀư trong nchrăp tuch tăm năm 2021; uănh năl tay lĕ rngôch neh tăm ba way geh mô tŏng dak tŏ, rgŏ jă ƀon lan rgâl tăm tơm êng ƀa ƀă geh nău tam lơn; nchrăp ăp tŏng lơn mpeh ntil n'hanh ăp ndơ khlay gay tăm 3.000ha bri n'hanh 5 rkeh tơm si ta lam n'gor, nsrôih tăm geh 900ha bri./.  

Nuĭh rblang: Điểu Thân