VOV4.M’nông – Ta năp nu nău jêr jŏt, jêr njrăng bah srê Covid-19, bah nar (10/5), UBND n’gor Kon Tum ntơm an kon hŏk, sinh viên, nuĭh nti rlu nău nti rgum ta ngih sam ƀŭt gay njrăng n’gang srê. Ndrel đah nău ntrŭnh an kon hŏk, sinh viên, nuĭh nti rlu nău nti rgum ta ngih sam ƀŭt, UBND n’gor Kon Tum jao an n’gâng kan ntĭm nti ntĭm ăp ngih sam ƀŭt mbơh ƀư ntĭm nti trực tuyến n’hanh uănh tay sam ƀŭt sam tra, nti êng ta jay, ntĭm n’glôch jêh năm nti 2020-2021 tâm di nu nău srê. Ƀư ntĭm n’hanh uănh tay sam ƀŭt sam tra rơh tâm rlong THPT lam dak đah kon hŏk jrô 12 săk rnglăy, tŏng ăp nău đăp mpăn gay ƀư rơh tâm rlong tĭnh ntĭm rđau, ntĭm bah N’gâng kan ntĭm nti. Ủy ban nhân dân ăp nkuăl, nkual ƀon têh n’hao trong kan mât uănh rjăp kon hŏk, sinh viên ăp gưl ta ntŭk, tŏng ăp nău dơi đăp mpăn gay ƀư rơh tâm rlong tốt nghiệp THPT năm 2021 tĭng nău ntĭm; mbơh ƀư dŭt n’hâm ăp trong njrăng n’gang srê Covid-19 tĭng ƀĭt joet, ntĭm rđau nsum.

Nuĭh răk rblang: Y Sưng Phê Ja