VOV4.M’nông: Lơ 2/4, ta nkuăl ƀon têh Kon Tum, n’gor uỷ ƀư rƀŭn lôch nau kan tal 3, Rnâng kan rđau Đảng bộ n’gor gưl XVI. Ngoai tâm âk nkô̆ geh rgum tâm nchră lah nau kan ndâk njêng ƀon lan mhe. Tât rnôk aơ, n’gor Kon Tum geh 28 xã geh kơp dơn ƀon lan mhe. Êng nê hôm geh 10 xã geh ntơm 15 tât 8 nau kan, 45 xã geh ntơm 10 tât 14 nau kan ndrel 2 xã geh ntơm 8 tât 9 nau kan. N’gor uỷ Kon Tum geh nkô̆ nsôih tâm 5 năm tât geh 4 nkuăl ndrel nkuăl ƀon têh Kon Tum geh tŏng nau dơi ƀon lan mhe mô lah jêh nau kan ndâk njêng ƀon lan mhe.

Bí thư n'gor uỷ Dương Văn Trang ntoh nau ta nar rƀŭn.

Gay ân dơi jêh nau kan, n’gor Kon Tum ntrŭnh, ƀư ueh 8 rmôt nau kan, ntrong kan kơt: N’hao nau nkoch trêng mpeh nau ndâk njêng ƀon lan mhe, n’hao nau rgum, mât ndrel ƀư nau rgum kan ngăn lah mpeh hun hao tuch tăm, ƀon lan, ntuh kơl ndâk ngih vâl gung trong văng sa-rêh jêng ƀon lan mhe geh ndrel ma nau hun hao đô thị, ndâk nau kan tuch tăm n’hao nau săk geh ân ƀon lan, hun hao nau ntĭm nti, dak si, văn hoá./.

Nŭih rblang: H’Thi