VOV4.M’nông: Tâm bar nar 26 n'hanh 27/4, ta nkual ƀon têh Kon Tum, Hội Liên hiệp Bu ur n'gor Kon Tum ƀư kơi năp nti nău gĭt blău n'hanh nău dơi an bu ur dâk tâm rlong bôk năp đại biểu HĐND ăp gưl năm kan 2021- 2026.

Râng jrô kơi năp nti, bơi 200 bu ur dâk tâm rlong bôk năp đại biểu HĐND ăp gưl n'gor Kon Tum, năm kan 2021- 2026 dơi năp tay nău gĭt blău mpeh Quốc hội n'hanh HĐND; gĭt wât tay quy định mpeh rgŏ jă bầu cử; nău khlay kan, nău dơn kan bah Hội Liên hiệp bu ur ăp gưl tâm râng bầu cử đại biểu Quốc hội n'hanh HĐND; dơi kơt dŏng ngăn nău gĭt blău mâp ngơi đah mpôl nkoch trêng nău lư, rdâk njêng êng rup gui he nơm; tâm rgâl nău mbơh rblang, ơh nău ôp bah cử tri. Rlău ma nê bu ur tâm rlong bôk năp râng đại biểu HĐND ăp gưl bah n'gor, hôm dơi du đêt ntơh măt râng âk rơh Quốc hội, HĐND n'gor nkoch tay nău tă ơm gĭt ngăn ngăn tâm nău rƀah gĭt nuih n'hâm ŭch rŏng bah ƀon lan tâm ban kơt geh nău rgop râng ăp nkô̆ bah rơh  hop đŏng./.

   Nuĭh rblang: Điểu Thân